Өдөр тутмын эдийн засаг: Тоглоомын онолыг хэрхэн амьдралд хэрэгжүүлэх вэ? Цуврал 1

Тоглоомын онол гэх энэ сэдэв зөвхөн их сургуулийн нэг курст судлаад өнгөрөх хичээл биш бөгөөд бид бүгд өдөр болгон ямар нэг байдлаар тоглоомын онолд хамаарах тоглоом буюу шийдвэр гаргаж байдаг. Гэвч бид үүнийгээ огтхон мэддэггүйгээс болоод рациональ бус шийдвэр гаргах үүнээсээ болоод алдагдал хүлээх нь олонтой. Тиймээс энэ удаа тоглоомын онолыг хэрхэн амьдралд хэрэгжүүлэх болох талаар богинохон нийтлэл хүргэе.

1. Машин худалдан авахдаа мөнгө хэмнэх нь

Өөрийн чинь худалдан авахыг хүсч буй машиныг борлуулж буй бүр дилерүүдийг олж авах нь таны эхний алхам байх болно. Мэдээж эдгээр дилерүүд хоорондоо холгүйхэн байрлах, нэг үгээр өрсөлдөгчид байх ёстой. Таны дараагийн алхам бол дилерлүү утас цохин “би хамгийн хямд үнэ санал болгосон газраас машин шууд авах болно” гэх өгүүлбэрийг дилерт дуулгах юм. Зарим тохиолдолд дилерүүд утасаар наймаа хийхгүй гэж магадгүй ч таны дараагийн сөрөг алхам бол өөр олон газрууд утасаар наймаа тохирсон бөгөөд ингэж наймаа хийдэг гэдгийг би мэднэ гэсэн өөртөө итгэлтэй хариултаар амыг нь таглах юм. Энэхүү тохиолдолд мэдээж өрсөлдөгчдөө орлого оруулж өөрт орох орлогыг алдахгүйн тулд дилерүүд жирийн үеээс хамаагүй бага саналыг таньд тавих болно. Гүрийлээ гэж бодход хажууханд нь байрлах өрсөлдөгч нь машинаа зарчина гэсэн айдас бүх дилерт сууж өгнө. Ингэснээр таньд хямд машин авах боломж олдох юм.

2. Замын түгжрэлээс хурдан мултрах нь

Та замын түгжээнд орчихсон маш тун их яарч байгаа эсвэл ер нь тэвчээртэй бус хандвал эгнээгээ солиж урагшлахыг оролдоно. Замын бөглөөнд зогсох хүн болгон ийнхүү сэтгэх агаад бүгд урагшилж буй эгнээнд орход тухайн эгнээ нь удаан болж харин ч ихээр бөглөрнө. Таны урагшлах үгүй чинь зөвхөн таниас бус бусдын үйл хөдлөлөөс хамаарч байгаа юм. Ийм тохиолдолд хамгийн оновчтой шийдвэр нь санамсаргүйгээр эгнээгээ солих бөгөөд тодорхой минут болгонд (жишээ нь 5мин тутамд) хажуу эгнээгээ хараад тэрхүү эгнээ чинь хөдөлж байвал эгнээгээ солин харин хөдлөхгүй байвал өөрийн байгаа эгнээндээ үлдэх юм. Энэхүү процессоо түгжрэлээс гартал үргэлжлүүлэх хэрэгтэй. Математик болон тоглоомын онолын үндсэн дээр түгжрэлд зогсох бүх жолооч энэхүү стратегийг ашиглавал бүгд тэнцэрт хүрэх бөгөөд 2 эгнээ хоёул ижил хурдаар урагшлах юм.

 

 

Г.Дөлгөөн

 

Үргэлжлэл бий….

Гайхалтай Маркетинг : Санаа авах гайхалтай маркетинг-н аян

Орчин үед бараа бүтээгдэхүүнээ борлуулж, бранд дүр төрхийг бүрэлдүүлэн тогтоох гэдэг нь дан ганц их хэмжээний төсөвтэй байхаас хамаарахаа байжээ. Хамгийн гол нь энгийн бөгөөд ухаалаг шийдэлийг үйлчлүүлэгчдэд санал болгон, тэдний санаа бодолыг татаж чадсан шийдмэг шинэлэг санааг дэвшүүлэх нь амжилттай маркетинг аяны үндэс болдог. Энэхүү трендийг том жижиг гэлтгүй ямар ч аж ахуй нэгж, компанууд дагах боломжтой бөгөөд өнөө цагт түлхүү хэрэглэгдэх хямд онлайн сурталчилгааны платформууд болон сошиал мэдээлэлийн сайтуудыг ашиглан бага төсвөөр ч гэсэн хүнд хүрч чадах гайхалтай аян-г өрнүүлж болох болжээ. Үйлчлүүлэгчидийн өнцөгөөс, тэдний түүхийг сурталчилахаас авхуулаад олон нийтэд тулгамдсан асуудалыг хөндөх гэх мэтээр хүмүүсийн сэтгэглд хоногшиж чадахаар хүчтэй бөгөөд энгийн санааг гаргаснаар өөрийн бизнесийг хөгжүүлэх боломжтой юм. Ингээд санаа авч болох хямд төсөвөөр боссон амжилттай компанит ажилуудыг танилцуулая.

1. Дорритос начосны реклам

Энэхүү рекламыг ямар нэгэн сурталчилгааны агент, эсвэл студио-д хийлгээгүй бөгөөд 4500 гаруй сонирхогчидын явуулсан контенд дундаас түрүүлсэн бүтээл юм.

Сургамж: Бүтээлч сэтгэлгээ бүхий бүтээлүүд хаа сайгүй тэр тусмаа хэний ч төсөөлөөгүй газар ч байх нь бий. Хамгийн гол нь тэрхүү нээгдээгүй, танигдаагүй бүтээлийг олж илрүүлэн өөрийн болгож авах нь чухал юм. Үйлчлүүлэгчид, хэрэглэчидээр өөрсдөөр нь бараа бүтээгдэхүүнээ сурталчлуулахаас өөр гайхалтай санаа байна гэж үү.

 

 

2. NIKE: FIND YOUR GREATNESS

Хүн болгон агуу болох потенциалтай. Энэхүү видео аянг үзсэн хүн болгон л өөрийгөө зоригжуулах эрч хүчийг авч хүсэж байсан зүйлдээ ханцуй шамлан ордог.

Сургамж: Бараа бүтээгдэхүүнийхээ онцлог шинж, чанар зэргийг голчлон ярих нь ихэнх тохиолдолд хангалттай байж чаддаггүй. Хэрэглэгчидтэйгээ сэтгэл зүйн холбоо тогтоож тэдний мэдрэмж, сэтгэлийн хөдөлгөөнд оруулж чадахаар контент явуулах нь маш чухал.

 

3. British Airways: The Magic of Flying

Британы агаарын нисэх тээвэрийнхэн нэгэн гайхалтай санааг хэрэгжүүлсэн нь дижитал буюу хөдөлгөөнт зарлалын самбар байлаа. Тухайн самбар байралсан барилга-н дээгүүр Британы агаарын нисэхийн онгоц нисэх болгонд бяцхан хүүгийн дүрс тэнгэрлүү заан энэ онгоц тийшээ нисэж байна гэгчлэн хэлэх ажээ. Үр дүнд нь “Илүү их нислэг, Илүү их газарлуу” гэх мэдээлэлийг хүмүүсийн тархинд суулгаж өгч чаджээ.

 

Сургамж: Одоо цаг үед, гар утасны болон бусад төрлийн аппликешн-г хийх нь харьцангуй хямд төсөр болжээ. Түүнчлэн, хүмүүсийн ухаалаг утас болон таблетны хэрэглээ улам өсөж байгаа тул гар утасны апп-д тулгуурласан маркетингаар бусдад хялбархан хүрч болох юм.

 
Г.Дөлгөөн

ӨДӨР ТУТМЫН ЭЗ: Шөнийн Индустри ЭЗ-т хувь нэмэрээ оруулах нь

 

Шөнийн индустри буюу шөнийн цагт үйл ажиллагаагаа эрхэлдэг аж ахуй нэгжүүд болох энэхүү салбар нь дутуу үнэлэгдэх явдал элбэг байдаг. Энэхүү индустри зөвхөн шөнийн цэнгээний газруудаар хязгаарлагдгүй. Түүнчлэн Шөнийн клуб (Nigthclub), парти цэнгээн гэхээр л архидан согтууралт, гэмт хэрэг гэх ухагдахуунууд илүү ихээр нийгэмд байдаг. Мэдээж эдгээр үзүүлэлтүүд шөнийн клубуудтай эерэг хамааралтай байдаг нь факт ч гэсэн үүнээс өөр фактууд бас байдаг гэдгийг мартан орхигдуулж болохгүй. Улаанбаатар хотын хувьд ЭЗ-д шөнийн индустри хэрхэн хувь нэмэрээ оруулдаг болохыг ЭЗ-н үүднээс хараад үзье.

 

Энэхүү салбарт орох нэгжүүд: Шөнийн 8 цагаас хойш үйл ажиллагаагаа явуулдаг буюу үргэлжилдэг бүхий үйлчилгээний газрууд энэхүү салбарт багтдаг. Эндээс хамгийн томоохон бүрэлдэхүүн хэсэгүүдийг сонгон авч үзье.

-------------------------------------------------------------------------
1. Ресторан
Улаанбаатар хотын хэмжээнд үйл ажиллагаа эрхэлж буй Зочид буудал, зоогийн газар болон рестораны нийт тоо 2015 оны эхний улиралд 3300 хүрсэн байдаг. Эндээс зөвхөн рестораны тоог 500 гэж авч үзээд нэгж ресторанд ойролцоогоор 15-20 хүн ажилладаг гэж үзвэл салбарын хэмжээнд нийт 7500-с 10000 хүн ажилладаг байх нь. Өрхийн орлогын талаас өнгөц харж үзхэд 10000*4=40000 хүний өрхийн орлогыг зөвхөн ресторанууд хариуцан гаргаж байна. Тэгвэл үйлчлүүлэгчидийн өнцөгөөс дахин харвал, нэг ресторан өдөрт дундажаар хамгийн багадаа 50 хүнд үйлчилдэг гэж бодвол давхардсан тоогоор сард 1500 жилд 18000 хүнд үйлчилдэг байх нь. Үүнийг нийт салбарын тоонд үржүүлж үзхэд жилд давхардсан тоогоор 9н сая үйлчлүүлэгчид ресторануудаар зочилдог гэсэн энгийн судалгаа гарч байна. Жилийн 9н сая үйлчлүүлэгчидээс хэр их хэмжээний орлого олж мөн тэрхүү орлогийн хэр их хувь нь улсад орох нь мэдээж ойлгомжтой. Хангалттай их!!!

-------------------------------------------------------------------------
2. Баар ба Шөнийн клуб
Дээрх шинжилгээтэй ижил алхамаар тооцоолж үзвэл, 180+20 буюу 180н баар болон 20н клубууд УБ-д үйл ажиллагаагаа явуулж байгаа бөгөөд дундажаар шөнийн клуб ойролцоогоор 15~20 ажилчинтайгаар, харин дундаж баар 10 хүнтэйгээр үйл ажиллагаагаа явуулдаг. 180*10+20*20=1800+400=2200 Тооны хүмүүс эдгээр газраас цалинжиж, даамжирвал 8800 хүний өрхийн орлого нэмэгдэж байна. Үйлчлүүлэгчидийн талаас дахин шинжилвэл: 180*50+20*150=12000 буюу жилд 4сая гурван зуун мянган хүнд үйлчилдэг болж таарч байна.

Ингээд харвал зөвхөн 2хон бүрэлдэхүүн хэсэг нь нийт 12000 хүнийг ажилын байраар хангаж, жилдээ 13 сая үйлчлүүлэгчидийг хүлээн авдаг байх нь.

---

ФАКТ 1: Нийслэлийн хэмжээнд 198 баар, шөнийн клуб, 491 ресторан, зоогийн газар, 424 кароаке, 429 кафе, паб зэрэг бүртгэлтэйгээр үйл ажиллагаа явуулж байна. ЭХ СУРВАЛЖ:Улаанбаатар хотын цагдаагийн газар

ФАКТ 2: Нийт УБ-н 16н шөнийн клубт жилдээ 132 мянган шил буюу 100 мянган литр орчим хатуу архи худалдаалдаг гэх тооцоо бий.

---

Олон улсын тоо баримтаас дурьдвал, Нью-Уорк хотын хэмжээнд шөнийн индустри жилд нийт 9,7тэрбум долларын хэмжээний ЭЗ-н үйл ажиллагаанд оролцдог ба 2,6тэрбум долларын цалин тарааж 391 сая долларын татвар төлсөн байдаг. СанФранциско хотийн хувьд нийт 4тэрбум долларын ЭЗ-н үйл ажиллаагаанд оролцож 55сая долларыг татварт төлсөн байдаг гэсэн үзүүлэлтүүд байдаг юм байна.

Г.Дөлгөөн