Нокиа 3310, бидэнд дижитал детокс хэрэгтэй байна?

Магадгүй та Нокио компанийн алдарт 3310 гар утас дахин худалдаанд гарахаар болж байгаа мэдээг олж үзсэн байх. Хэрэв үгүй бол би энэхүү мэдээг танд хүргэж байгаа минь нэр хүндийн хэрэг болж байна. Нокиа 3310 дахин үйлдвэрлэгдэх болно. Гэхдээ яах гэж? Энэ бол жинхэнэ асуулт шүү. Хуучны ухаалаг бус утсыг дахин үйлдвэрлэх нь Нокиа компанид ямар ашигтай гэж? Тэд шинээр үйлдвэрлэсэн 3310-аа борлуулж чадна гэж үү? Хариулт нь миний бодлоор тийм. Тэдэнд энэхүү санаачлагаас хөөрхөн ашиг олох болож их байна.

Хамгийн эхний гол шалтгаан бол САНАГАЛЗАХУЙ. Хэрэв САНАГАЛЗАХУЙН эдийн засаг гэж юу болох талаар мэдэхийг хүсэж байвал миний өмнө нь хийж байсан Санагалзахуйн ЭЗ буюу хуучны дуу гэх нийтлэлийг уншаарай.  Ер нь бол бид хуучны зүйлд дуртай бөгөөд хуучны эдгээр зүйлс бидний сонирхлыг үргэлж татсаар ирсэн. Жишээ нь СЕГА тоглоом, Хуучны дурсамжтай тоглоомууд бол бидний мөнгийг татах урхи байнга болж чаддаг. Түүний нэгэн адил 3310 бол дэлхий дахинд хүн болгоны хувьд сэтгэл зүйн хувьд маш их үнэ цэнэтэй, дурсамжтай утас. Тиймээс л бид шинээр гарах 3310-г худалдаж авах магадлал маш өндөр. Ингээд л тэд биднээс мөнгө салгаж ашиг олж чадна.

Хоёр дахь үндэслэл нь энэхүү 3310-н дахин үйлдвэрлэлт нь цаг үеийг сайн мэдэрсэн шийдэл болж чадаж байна. Цаг үеээ олж байгааг батлах шалтгаан нь ДИЖИТАЛ ДОНТОЛТ. Сүүлийн жилүүдэд дижитал донтолт буюу дэлгэцээс холдож чадахаа байх нь хүн болгоны мэддэг, шийдэл нэхсэн асуудал болж байна. Харин шийдэл нь 3310 байжээ. Магадгүй зуун хувь биш байж магад ч ядаж л тэд бидэнд ямар нэгэн шийдэл өгч байна. Бидэнд ДИЖИТАЛ ДЕТОКС хэрэгтэй байгааг нийгэм хүлээн зөвшөөрч байгаа бөгөөд маш олон хүмүүс дижитал детокс өөртөө хийж эхлээд байна. Дижитал детокс гэдэг нь бүхий л утас, таблет, зурагт, компьютер зэрэг зүйлсийг хэсэг хугацааны туршид унтрааж дэлгэцээс холдохыг хэлдэг бөгөөд хүмүүс 24 цагаас авахуулаад сар хүртэл энэхүү детоксд ороод эхэлжээ. Гэхдээ мэдээж урт хугацаанд ороход бусадтай харилцах шаардлага их гарах тул утасаа таг унтраагаад холбоо тасрах хэцүү. Харин энэ үед 3310 чамайг аврахаар ирж байна. Дээрээс нь жинхэнэ классик снайк тоглох боломж чамд ирж байна. (3310 снайк-с илүү снайк гэж байхгүй хаха)

Ямар ч байсан Нокиа-с гаргаж буй энэ шийдвэр нь эдийн засгийн хувьд компанид ашигтай болж дуусах байх гэсэн хүлээлттэй байна.Хэдийгээр энэхүү шинээр гарч буй 3310-н үзүүлэлт болон загварын талаар мэдээлэл гараагүй байгаа ч гэсэн Iphone шиг мундаг ухаалаг биш байх болов уу гэж таамаглаж байна. Иймээс энэхүү 3310 ажилтанд хүрч бидэнд хуучны сайхан нокиа асахад дуугардаг дууг дахин мэдрүүлэхнээ.

Г.Дөлгөөн

Метал хөгжим эдийн засгийн өсөлтөнд нөлөөлөх эерэг хүчин зүйл гэж үү?

Өчигдөрхөн нэгэн сэдвээр яриа өрнүүлсэн маань нэлээдгүй сонирхлыг маань татлаа. Энэ бол МЕТАЛ рок хөгжмийн урсгал. Метал рок гэхээр л заавал муу муухай биш гэх мэт зүйлийн талаар ярилцсанаа хаяад хамгийн сонирхол татам хэсэгрүүгээ шуудхан орий. Мэдээж миний сонирхлыг татсан гээд бодохоор ЭДИЙН ЗАСАГТАЙ холбогдсон л байж таараа.

Та нар аль улсад МЕТАЛ хөгжмийн хамтлаг хамгийн их байдаг вэ мэдэх үү гээд манай ярилцдагийн зочин асуухад толгойд зурс гээд л шууд ороод ирлээ. Хэдийгээр нэг их Металл сонсдоггүй энээ тэрээг нь мэдэхгүй ч гэлээ СКАНДИНАВЫН хойг-н орнуудад л хамгийн их металл рок хамтлагтай гэдгийг мэдэж байв. 

Харин СКАНДИНАВын хойгийн орнууд нэг зүйлээрээ дэлхийд алдартай. Тэд хөгжилийн үзүүлэлтээр үргэлж хамгийн эхний байранд жагсаж байдаг бөгөөд эдийн засгийн үзүүлэлтүүд маш өндөр. Тэгвэл энэ өндөр хөгжил болон эдийн засгийн эерэг үзүүлэлтүүд нь метал хамтлагийн тоо хэмжээтэй хамаатай биш юм биш бээз.

Энэхүү газрын зурганаас 100,000 хүнд оногдох Метал хамтлагийн тоогоор яалтачгүй тухайн орнууд тэргүүлж байгааг харж болж байна.

2014 онд Ситилаб вэбсайтаас гаргасан нийтлэлээс үзэхэд Метал хамтлагийн тоо эдийн засгийн өсөлттэй эерэг хамааралтай гарсан байдаг. Хүсвэл бүрэн нийтлэлийг эндээс уншина уу.

Гэхдээ энэ Метал хамтлагийн тоо хэмжээ нь  эдийн засагтай эерэг хамааралтай байна гэдэг маань заавал шалтгаан болно гэсэн үг биш гэдгийг хэлмээр байна.  Нэг үгээр хэлбэл эдийн засгийн өсөлтийг дэмжихийн тулд маш ихээр рок метал хамтлаг байгуулна гэвэл үлгэр болно гэсэн үг. Энэ нь маш энгийнээр тайлбарлахад зүгээр үзүүлэлт болж харагдаж байгаа юм. Эдийн засаг сайтай өндөр хөгжилтэй улсыг яаж таних вэ гэвэл метал хөгжим сонирхогч залуус хэр их байгаагаар нь тодорхойлж болох юм.

Эцэст ингээд харахад Метал хөгжим сонирхогчид их байна гэдэг нь эдийн засаг сайн байгааг илтгэх нэгэн шалгуур болж чадаж байгаа бол метал урсгалын талаар элдэв стеротайпууд үнэний ор багатай болох нээ.

Г.Дөлгөөн